ILOILO CITY – Nakakuha sang gold medal ang tumandok sang Anilao, Iloilo sa ginpatigayon nga Singapore Open Track and Field Championships.
Si Evalyn Palabrica nga tumandok sang Sitio Agluy-a, Barangay Guipis, Anilao ang nakahaboy sang 45.81m sa women’s javelin throw.
Ginpyerde ni Palabrica ang apat ka iban pa niya nga kasumpong.
Si Palabrica ang nagtiglawas man sang pungsod sa South East Asian Games sang 2015, 2017 kag 2019 kag masami nga nagapasakop sa Palarong Pambansa antes ini nga nangin varsity player sang Far Eastern University.
Magluwas kay Palabrica, nakakuha man sang gold medal sa Singapore Open Track and Field Championships si John Albert Mantua sa men’s shotput.
