ILOILO CITY – Nagapanawagan sang bulig sa Marcos administration ang pamilya sang Ilongga nga napatay sa pagtay-og sang magnitude 7.8 nga linog sa Turkey.
Ini amo si Rosemarie Ga Uzagan, 61, residente sang Barangay Daragan, Buenavista, Guimaras kag nagatrabaho bilang domestic helper sa Antakya, Hatay.
Sa interview sang Bombo Radyo kay Pastor Winston Ga, hinablos ni Rosemarie, iya ginpahayag nga antes ang pandemya, napadulong ang iya tiya sa Turkey kuns a diin, nakapamana ini sang Turkish national.
Suno kay Ga, mapinalangga-on kag maalwan ang iya tiya kag gina-una niya nga buligan ang iya pamilya antes ang iya kaugalingon.
Wala naman nila ginlauman nga malakip ang iya tiya sa mga napatay.
Nagalaum man ini nga mahatag sang gobyerno ang ila nga ginapangabay nga makauli sa Pilipinas ang bangkay sang ila nga tiya.
