ILOILO CITY – Sa pihak sang naagyan nga kapait sang kabuhi, wala ini nangin upang sa isa ka Ilonggo agud malab-ot ang handom nga mangin piloto.
Ini amo si 2nd Lieutenant Ricaredo Richlander King Jorge sang Pueblo Concepcion, Brgy. Navais, Mandurriao, Iloilo City.
Sa interview sang Bombo Radyo kay Jorge, iya ginpahayag nga siya ang subang sa apat ka mag-utod, sa diin ang iya amay ang isa ka seafarer, samtang ang iloy naman sini ang iya ka housewife.
Sang naga-edad ini sang 14 anyos, ginabayaan sila sang iya amay, sa diin napilitan nga magtrabaho ang iya iloy bilang sales agent, saleslady kag sa sulod sang balay.
Suno kay Jorge, nangin salandigan niya ang Disney Film nga ‘Meet The Robinsons’: Keep Moving Forward, rason nga wala ini nadulaan sang paglaom.
Diri kag nagsulod ini sa Philippine Military Academy kag sang 2021, naka-graduate ini.
Sang 2024, nag-graduate ini sa Philippine Air Force flying school bilang Rank No. 9.
Naga-isahanon naman ini nga Ilonggo nga nakatapos sa akademya kag amo man sa flying school.
