ILOILO – Indi sa gihapon makapati ang tumandok sang Tigbauan, Iloilo nga makatapos ini bilang Valedictorian sang University of the Philippines Visayas Haraya Class of 2024.
Ini amo si Hyke Maybay, nga nagtapos sa kurso nga BS Applied Mathematics kag nagtapos nga Summa Cum Laude.
Sa interview sang Bombo Radyo kay Maybay, iya ginpahayag nga isa man sa mga pagtilaw sini nga naagyan amo ang pagtuon sa tion sang pandemya.
Suno kay Maybay, ginabanta 20 tubtob 30 sila sa ila batch sang nagsulod sa kolehiyo, apang masobra na lang sila 10 nga nakatapos sa kolehiyo.
Gin-ako man sini nga may mga kahigayunan nga nabudlayan ini sa pagtuon, apang wala gid nagsulod sa iya paminsaron nga magsaylo sang kurso ukon mag-give up sa iya handom.
Ginpahayag sini nga bilang isa ka iskolar ng bayan, kaupod man sini ang papel nga mangin isa ka iskolar para sa Bayan.
Sa subong, plano ni Maybay nga magbalik sa iya gintapusan nga unibersidad agud mangin isa ka manunudlo.
Ginpakigbahin man ni Maybay nga avid fan siya kag ang iya pamilya sang Bombo Radyo.
