GUIMARAS – Madamo pa sa gihapon sang cancellation of bookings sa travel and tours sa probinsya sang Guimaras.
Ini ang isa sa ginalantaw pamatuod nga wala pa lubos nga makabangon ang turismo sang probinsya apisar masobra tatlo ka bulan na matapos ang natabo nga Iloilo Strait Incident.
Sa interview sang Bombo Radyo kay Senior Tourism Operation Officer Liberty Ferrer, iya ginpahayag nga may mga reports sila gihapon nga mabaton sang amo nga kanselasyon apisar tubtob pa tani Disyembre ang ginpalista sang iban nga turista.
Mahimo suno kay Ferrer nga ginadumdom sang mga bisita ang ila seguridad sa pagsakay sa mga pump boat.
Isa pa gid suno kay Ferrer amo ang nagagwa sa social media nga padayon nagapahanumdom sang insidente.
Kasunod diri, ginpasalig ni Ferrer nga padayon gihapon ang operasyon sang turismo sa probinsya, sa diin may yara mga sang transport groups, accomodation establishments, kag guides.
Kun salakyan ang ginakabak-an suno kay Ferrer, may option man ang turista nga vessel kun indi nila masarangan nga magsakay sa pump boat.
