ILOILO CITY – Nakagwa na ang TV host-actor nga si Vhong Navarro matapos nga nakapyansa sa rape case nga gin-file liwat sang model nga si Deniece Cornejo.
Si Vhong ang na-detain sang halos duha ka bulan sa National Bureau of Investigation antes nga ginsaylo sa Taguig City Jail kun sa diin, nagtinir siya sang masobra sa duha ka semana.
Nag-request ang kampo ni Vhong nga magpyansa ini kag sang Lunes, gin-grant ini sang Taguig Regional Trial Court Branch 69.
Gin-set ni Judge Loralie Cruz Datahan ang pyansa sa P1 million.
Alas-sais kagab-i, gin-release na si Vhong sa Taguig City Jail.
Ang iya asawa nga si Tanya Bautista ang nagsugat sa iya.
Suno kay Tanya, mangin “blessed” gid ang ila paskwa bangud sa maayo nga balita.
Suno naman sa mga abogado sang actor, naghilibi-on gid si Vhong sang nakita ang desisyon sang korte.
Sa subong, nagaplano ang aktor nga magpaghuway anay upod sa pamilya.
Magabalik naman ini sa noontime show kun sa diin, nangin host ini humalin pa sang 2009.
