ILOILO CITY – Ginakabig nga isa ka personal nga kadalag-an sang TV host actress nga si Toni Gonzaga ang magkanta sang national anthem sa Hunyo 30 sa patigayunon nga inagurasyon ni President-elect Ferdinand Marcos, Jr.
Suno sa aktres, tuman ang iya pagpasalamat sa ginakabig nga “once-in-a-lifetime opportunity”.
Nahibaluan nga si Toni upod ang iya bana nga si Direk Paul Soriano ang aktibo nga nagasuporta sa presidential campaign ni Marcos.
Suno naman sa iya bana nga si Direk Paul, handa sila nga magbulig sa iya Tita Liza sa ano man nga pamaagi.
Ang filmmaker ang hinablos ni Liza Araneta Marcos nga pakaisa sang amay ni Paul.
Magaserbe man nga creative consultant sang Marcos inauguration si Paul.
Ini na ang mangin pinakauna nga presidential inauguration nga tambungan ni Paul.
Ang inaugural ni President-elect Ferdinand Marcos, Jr. ang patigayunon sa Huwebes, Hunyo 30 sa National Museum.
