Magahatag sang P5 million ang TV host nga si Willie Revillame sa mga jeepney drivers nga nadulaan sang palangabuhian subong nga ginpaidalom liwat sa modified enhanced community quarantine ang Metro Manila kag apat ka mga probinsya sa Luzon.
Magluwas sini magahatag man si Willie sang P400,000 sa pamilya sang apat nga Overseas Filipino Workers nga napatay sa natabo nga massive explosion sa Beirut, Lebanon.
Suno kay Willie, naluoy siys sa mga driver sang jeep nga nagapangalimos sa dalan bangud wala sila sadto ginpahanugutan nga makabalik sa pagbyahe.
Dugang pa sang host, bangud nga may yara man siya sang kwarta nga natipon pinaagi sa iya nga trabaho kag paghimakas, luyag niya nga magbulig sa mga driver kag sa mga OFWs.
