ILOILO CITY – Gin-athag sang kampo ni Iloilo City Mayor Jed Patrick Mabilog nga fake account ang twitter nga may username nga @JedMabilog
Sa excusive interview sang Bombo Radyo Iloilo kay Former Iloilo First Lady Mrs. Maria Victoria Mabilog, iya gin-athag nga wala sang anuman nga Facebook ukon Instagram account ang iya bana.
Suno sa anay First Lady, peke ang twitter nga Jed Patrick Mabilog sa diin posible nga luyag lang sang tawo nga yara sa likod sang nasambit nga account nga mas magsinggkal pa ang away sang iya bana kag ni Duterte.
“That is not Jed’s twitter account. He does not have a Facebook or Instagram account under his name. Whoever maintains that page, wants to keep the enmity between Jed and the Duterte camp alive probably to benefit from it,” pahayag ni Mrs Mabilog sa interview sang Bombo Radyo.
Nahibaluan nga sa subong, yara na sa luwas sang pungsod ang pamilya Mabilog.
Matandaan nga kagab-i, liwat naman nga ginlawag ni Duterte si Mabilog nga isa sa nga opisyal nga nadismiss sa pwesto.
