Nagpaandam si U.S. President Donald Trump batok kay Venezuelan President Nicolás Maduro, lakip ang pagpadala sang ground troops, pag-ako sang mga covert operation, kag pagpalupad sang nuclear-capable bombers malapit sa baybayon sang Venezuela.
Sang Huwebes, ginkumpirma sang isa ka opsiyal sang U.S.nga nagpatigayon ang Amerika sang ika-anom nga lethal boat strike subong nga tuig batok sa isa ka ginapahayag nga drug boat sa Caribbean Sea.
Depensa sang White House, kabahin ini sang ila kampnya batok sa iligal nga droga.
Suno kay White House press secretary Karoline Leavitt, ginakabig ni Trump nga isa ka “illegitimate regime” ang gobyerno ni Maduro nga ginaalegar may kahilabtanan sa illegal drug trade.
Sang ginpamangkot naman kun may mando sa Central Intelligence Agency nga pahalinon ukon patyon si Maduro, gintawag lamang ini ni Trump nga isa ka “ridiculous question,” apang suno sa iya ang “Venezuela is feeling heat.”
Ginpahayag man ni Trump nga pagatun-an na sang iya administrasyon ang posibilidad sang pagpangbomba sa Venezuela.
Samtang, ginpakamalaot naman Venezuelan Foreign Ministry ang Estado Unidos, sa diin gintawag pa ini nga ”policy of aggression, threats, and harassment.”
