Gin-deploy ni U.S. President Donald Trump ang National Guard sa syudad sang Los Angeles agud kontrolon ang mga nagapadayon nga protesta nga kasunod sang ginpatuman sang iya administrasyon nga agresibo nga pagpangdakop sang mga ilegal nga imigrante.
Sang Biernes pa lang, nagatipon na ang mga raliyista sa guwa sang isa ka immigration holding center sa Alameda, nga nagapahayag sang ila pagpamatok sa ginatawag nila nga “mass arrests” sang mga undocumented immigrants.
Ang nasambit nga mga pagdakop resulta sang ginpabaskug nga kampanya sang Trump administration sa pagpatuman sang mga layi sa immigration nga nagresulta sa pagkaaresto sang masobra 44,000 ka tawo.
Bangud sang kinagamo, ginpadala ang 2,000 ka tropa sang National Guard sa lugar.
Naglala ang tensyon sang naggamit ang mga otoridad sang tear gas kag flash bang grenades.
Ginkondenar naman sang League of United Latin American Citizens (LULAC) ang desisyon ni Trump nga gamiton ang National Guard sa amo nga sitwasyon.
