Paborito mo man bala ang rolled eggs?
Makaya mo ayhan nga magkaon sang 451-pound nga rolled eggs?
Sa Uganda, isa ka youtuber ang nagtipon sang manugluto agud nga mag-ubra sang pinakadako nga rolled egg sa bilog nga kalibutan.
Ini amu ang record-breaking nga 451-pound Ugandan rolex (kilala nga street food sa Uganda)
Si Raymond Kahuma, popular nga YouTube creator sa Uganda, kaupod ang grupo sang mga manugluto sa Kasokoso, Wakiso District, nahimo nila nga maluto ang 7×6 feet long kag 2×2 feet in diameter nga kadamulun sang pinakadako nga rolex ukon rolled eggs.
Ang Ugandan rolex ang himo sa fried omelet nga may sulod sang nagakalin-lain nga utan, ini ang gin-roll gamit ang wheat flower flatbread.
Tuig man ang preparsayon sang grupo nanday Kahuma sa pag-develop sang pinakaepektibo nga proseso sa pag-ubra sang amu nga oversized street food.
Naglab-ut naman sa 14 ka oras kag 26 minutos ang pagubra sang largest rolled egg.
Ini ang nagresulta sang Guinness World Record bilang pinakadako nga Ugandan rolex.
