Masobra 1,300 ka mga Briton ang gin-ban sa pagtambong sa World Cup sa Qatar sa 2022 agud malikawan nga masulit ang insidente sang mga kinagamo nga himo sang abusado nga football supporters.
Ginpili ang mga gin-ban base sa may history sang football-related violence ukon disorder.
Ginadumilian sila nga maghalin sa England ukon magbyahe sa pungsod kun sa diin pwede sila nga makacommute agud makalantaw sang prestihiyoso nga hinampang.
Ginapahayag nga kun sin-o man ang nakabutang sa banned list nga nagapamilit nga magbyahe sa Qatar, presuhon sa sulod ang anum ka bulan kag may ipapanaog man nga multa.
Magaumpisa ang restrictions 10 ka adlaw antes ang pagsugod sang World Cup sa Nobyember 20 kag magalawig tubtub sa katapusan sang tournament.
Ini nga development ang kasunod sang pagtimbuok sang insidente sang kagamo kag “pitch invasions” nga nagresulta sa football-related arrests sang nagligad nga season ipaanggid sa nagligad pa nga mga tinuig.
