I-review sang mga pulis sa United Kingdom ang alegasyon nga ginhaboy batuk kay Prince Andrew bangud sa ginaalegar sexual abuse.
Suno kay Cressida Dick, head sang Metropolitan Police sa London, i-check liwat sang kapulisan ang alegasyon matapos ini sadto gindesisyonan nga indi na pagbuksan pa para sa imbestigasyon.
Una na nga nag-file sang kaso si Virginia Giuffre sa New York sa diin iya ginpahayag nga gin-abuso siya sexual sang Duke of York sa London sang naga edad pa lamang ini sang 18 anyos.
Sa subong, wala pa sang komento si Andrew — ang ika-duha nga anak ni Queen Elizabeth — tuhoy sa kaso nga ginpasaka sa iya apang sadto, ginpanginwala na niya ang mga alegasyon sang babaye bangud wala man sila gani nakaagi kitaay.
