Ginpanginwala sang Ukraine Embassy sa Manila ang akusasyon sang Russia nga nag-recruit ini sang mga Pilipino para makigbato kaupod sang mga suldado nga Ukrainian sa gyera kontra Russia.
Sa isa ka statement, ginsabat sang Embahada ang pahayag ni Russian Foreign Ministry spokesperson Maria Zakharova nga nag-enlist ang isa ka US-based security company sang mga Filipino nationals para ipadala sa Ukraine.
Suno pa sa Foreign Minister, ginpromisahan ang mga gin-recruit nga Pilipino sang US$5,000 nga bayad kada bulan kag sanayon ang American instructors.
Apang, ginbutigan ini sang Ukraine Embassy bilang isa ka “baseless fabrication” kag kabahin lamang sang mas lapnagon nga “systematic disinformation campaign” sang Russia nga nagatuyo nga gub-an ang Ukraine kag defense forces sini.
Sa ulihi, ginpanindugan sini ang mapag-on, friendly kag dynamic bilateral relations sa tunga sang Ukraine kag Pilipinas nga nahimo pinaai sa mutual respect, trust kag lunsay panindugan sa international law.
