Naglunsar ang Ukraine sang airstrike sa Russia gamit ang US missiles sa labing una nga tion sa pagpang- atake nga ginkabig sang Russia bilang isa ka major escalation sa ika-1,000 nga adlaw sang giyera kahapon.
Suno sa Russia, na-shot down sang ila pwersa ang lima sa anom ka missiles nga ginpalupok sa isa ka military facility sa Bryansk region.
Suno sa Ukraine, naigo nila ang Russian arms depot kapin 110 km (70 miles) sa sulod sang Russia kag nagtuga sang secondary explosions.
Nahibaluan nga naghatag sang go- signal si President Joe Biden subong lang nga semana para sa Ukraine nga gamiton ang medium-range US missiles para sa atake nga suno sa Moscow, isa ka escalation nga nagahimo sa Washington bilang isa ka direkta nga combatant sa giyera kag mahimo magresulta sa pagtimalos man sang Russia.
