Ginkumpirma ni Ukrainian President Volodymyr Zelensky nga ginabaton na sini ang 30-day ceasefire nga gin-propose sang United States, kasunod sang kritikal nga peace talks sa tunga sang US kag Ukrainian officials sa Saudi Arabia.
Ang ceasefire proposal nga ginbaton sang Ukraine ang nagasakop sang bilog nga front line sang inaway batok sa Russia, indi lamang sa kadagatan kag sa kahawaan.
Suno kay Zelensky, ginakabig nila nga positibo ang proposal kag handa sila nga maghimo sang amo nga tikang kag ang US na ang magakumbinse sa Russia nga himuon man ini.
Pahayag ni Zelensky, matigayon lang ang ceasefire kun magpasugot ang Moscow.
Suno naman sa United States sa joint statement sa Ukraine kasunod sang meeting sa Jeddah, ila man bawion ang pagpauntat sang intelligence sharing kag security assistance sa Ukraine.
