Gin-anunsyo sang Brave 1, isa ka state-backed defense investment groups sang Ukraine, nga pasugtan na nila ang mga foreign arms companies nga testingan ang ila pinakanag-o nga teknolohiya sa mismo nga front line sang gyera batok sa Russia sa idalom sang programa nga ”Test in Ukraine.”
Sa nasambit nga scheme, magapadala sang armas ang mga kompaniya sa Ukraine, magahatag sang online training, kag hulaton ang feedback halin sa mga suldado nga aktwal nga gamiton ang mga ini sa pakig-awayan.
Suno kay Artem Moroz, ang head of investor relations sang Brave1, nagadako na ang interes sang mga kompaniya sa ila programa, apisar pa nga wala pa ini nagahatag sang husto nga detalye angot sa mga partisipante.
Ang Brave1 isa ka inisyatibo sang Ukraine nga may tinutuyo nga mapadasig ang pagdiskubre kag pag-testing sang epektibo nga teknolohiya nga magamit sa giyera batok sa Russia.
