Nag-apelar ang Ukraine sa business community sa Pilipinas nga untaton na ang business dealings sa Russia.
Suno sa non-resident Ukraine Ambassador nga si Olexander Nechytaylo, ang pagsulod sang Russia sa teritoryo sang Ukraine ang nagtuga sang daku nga gamo kag nangin rason man sang kamatayon sang mga kabataan kag sibilyan.
“We call upon the Philippines business community to stop any business dealing with Russia, as every dollar earned by Russia will be used, directly or indirectly, to continue the criminal war in Ukraine,” suno kay Nechytaylo.
Halin sang ginpatigayon ang Russian invasion sang Pebrero 24, naghugpong ang madamo nga mga pungsod agud mabuligan ang Ukraine — ginpataw ang economic sanctions batok sa Moscow rason nga nautdan ini sang access sa international financial markets kag daw kaangay nga na-isolate ang ila nga trade, travel, kag pati ang pag-compete sa sports.
“We call to join ethically and socially responsible global businesses, which have already stopped or suspended operations with or in the Russian Federation, refusing to finance Russian violence, murders and crimes against humanity with their taxes. Don’t be a part of the crime, stop doing business on the blood now!” suno sa ambassador.Una diri, nakapaguwa naman sang statement ang European Chamber of Commerce of the Philippines (ECCP) nga nagakondenar sang ginhimo sang Russia sa Ukraine.##
