Nagpatawag si Ukraine president Volodymyr Zelenskiy sang pagsinapol sang national security kag defense council kasunod sang pagpaggwa sang mga pahayag sang security council sang Russia.
Suno sa security council sang Russia nga ginapamunuan ni Russian President Vladimir Putin, suportado nila ang pagkilala sa duha ka rehiyon sang sa nasidlangan nga bahin sang Ukraine bilang ‘independent.’
Nahibaluan nga kontrolado sang pro-Russian separatists ang duha ka ‘breakaway regions’ sa Ukraine.
Suno kay Putin, magapaggwa siya sang pinal nga desisyon sini nga mga inadlaw.
Pahayag naman ni Zelenskiy, nagpatawag naman siya sang ‘urgent talks’ kaupod si French President Emmanuel Macron kag German Chancellor Olaf Scholz.
