Nag-react ang pila ka Ukrainian citizens kasunod sang nangin statement sang Marcos-Sara tandem nga indi na kinahanglan nga manindugan ang Pilipinas sa Russian invasion sa Ukraine.
Suno kay presidential bet Bongbong Marcos, indi man involved ang Pilipinas magluwas lang sa nationals nga yara sa amo nga pungsod.
Suno naman sa runningmate sini nga si Davao City Mayor Sara Duterte-Carpio, dapat anay nga unahon ang Philippine interest kag dapat lamang lamang nga manindugan kun yara na sa risgo ang interes sang Pilipinas.
Ang Marcos-Sara tandem amo ang nagapanguna sa presidential surveys sa 2022 nga eleksyon.
Ginakahangawa naman ini sang Ukrainian citizens kag ginpahayag nga indi ini malayo sa position sang China sa ginhimo sang Russia sa Ukraine halin sang Pebrero 24.
Ang China ang una na nagpamalibad nga tawgon nga invasion ang ginhimo sang Russia. Ginrespeto sang China ang sovereignty sang Russia kag complex suno diri ang isyu sa Ukraine.
Suno naman kay Dmitry Popov, isa ka Ukrainian Citizen nga yara subong sa Metro Manila, kinahanglan nga binag-binagon na sang publiko kun amo sini ang panindugan sang kandidato bangud replika ini kun ano sila nga sahi sang lider kag kun ano ang ila nga mangin leadership.
“Those who support the territorial regimes have a certain kind of mindset — to have a very strong possibility of having this kind of leadership of this country — that is bred from tyrannical dictatorship of the past,” suno kay Popov. ##
