Nagapanawagan ang pila ka Ukrainian citizens nga diri nagatinir sa Pilipinas nga untatan na ang pagpalapta kag pagpati sa mga propaganda sang Russia.
Pila sa nalab-ot sang Bombo Radyo Philippines paagi sa Ukrainian Consulate in Manila amo sanday Dmitry Popov, Elina Bykova, Max Peresypkin, kag si Kateryna.
Lakip sa gintumod sang Ukrainian citizens nga indi dapat pagpatihan amo ang impomasyon nga ginatinguhaan lang sang Russia nga proteheran ang Ukraine.
“Russia is attacking Ukraine and is trying to invade it. Our fighters are dying. It’s happening. Don’t pretend like it’s not. Don’t pretend like it’s something else,” suno kay Mr. Peresypkin.
Pila man sa ginapatihan amo nga gamay lang nga operasyon ang ginapatigayon sang Russia sa south-east Ukraine, kag ang Ukrainian government amo ang ginatudlo nga naga-provoke sang mas daku nga gyera.
Ang Russia ang nagatinguha naman nga ipakita nga indi sila ang aggressors, kag ang Ukraine amo ang nagakomiter sang kalakasan sa ethnic Russians nga yara sa ila nga teritoryo.
Sa pagkamatuod, sa Russia, ginmanduan man ang media nga gamiton lang ang official government sources para sa ila ipaguwa nga reports. nga nagalaragway sa operation.
Suno sa Latvian-based Russian news website nga Meduza, ginadumilian ang media sa Russia nga ilaragway ang away bilang “Attack, invasion, ukon war.” ##
