Wala sang sudlan ang kalipay sang isa ka Ukrainian high jumper matapos nagdaug sang gold medal sa World Indoor Championships sa Belgrade, Serbia.
Ang atleta nga si Yaroslava Mahuchikh ang una nga nakakuha sang bulawan nga medalya para sa iya pungsod sa sulod sang 20 ka tuig.
Suno sa atleta, sobra-sobra man ang iya nga naagyan antes maka-compete sa Serbia bangud man sang pagpang-atake sang Russia sa Ukraine.
Nagtinir pa ang 20-anyos nga atleta sa basement sang balay antes nagbyahe pa-Serbia. Tatlo ka adlaw ang iya byahe sa amo nga tion.
Siya man ang reigning European Indoor high jump champion kag nagdaug sang bronze medal sa Tokyo Olympics.
