May pinakadamo nga Ukrainian refugees ang pungsod Poland kun ipaanggid sa iban pa nga neighboring countries sang Ukraine.
Nahibaluan nga ang Poland ang pinakauna nga pungsod nga nagbaton sang refugees sang nagsugud ang Russian invasion.
Kadam-an sa mga refugees ang ginhatagan sang trabaho sang Polish government agud nga indi mabudlay nga ipadayon ang ila pagpangabuhi nga likaw sa kinagamo sa tunga sang Russia kag Ukraine.
Suno kay Bombo International Correspondent Grace Juntado Guion,– direkta sa Poland, ang polish government ang naga-provide man sang libre nga ilistaran, allowances kag libre nga transportasyon kun ila ipresentar ang ila passports.
Suno kay Guion, kadam-an man sa mga polish ang nagahatag sang ila bulig pinaagi sa donations kag paghatag sang pagkaon.
Ang cash allowances naman ang ginahatag sang polish government.
Nagapangayo naman sang dugang nga global support ang Polish government agud nga masuportahan sang pungsod ang accommodation, edukasyon, basic needs, tubig kag sanitation, child protection kag gender-based violence para sa mga nadugang nga populasyon sang Poland.
Dugang pa ni Guion, posible nga batunon sa gihapon sang mga polish ang dugang pa nga Ukrainian refugees nga magpangayo sang bulig sa ila.
