Kinahanglan nga umpisahan na sang gobyerno ang paglista sang mga initial recipients kag paghanda sang pondo para sa pagpanagtag sang COVID-19 vaccine.
Suno kay Vice President Leni Robredo, katuyuan sang iya suhestyon amo nga mangin matalunsay ang pagpanagtag sang bakuna sa tion nga ini na ang mangin available sa Pilipinas.
Pahayag niya, madamo sang healthcare workers sa Pilipinas kag wala siya sang may nakit-an nga problema kun mahatagan ang tanan apang kun gamay lang nga bakuna ang mag-abot, kinahanglan nga nakahibalo ang gobyerno kun sin-o ang i-prioritize ukon unahon.
Nagpangabay man ang bise presidente sa mga opisyal kag otoridad nga mangayo sang dugang nga pondo para sa logistics bangud sa kakulang sang budget sa vaccine storage equipment.
