Nagpahayag sang kabalaka ang United Nations (UN) sa ginapahayag nga plano sang Israel nga sakupun ang Gaza, nga ginahambal nga posible magdugang pa sang peligro sa kabuhi sang mga nabilin nga bihag.
Suno kay UN Secretary General Antonio Guterres, ang nasambit nga plano sang Israel ang nagapadugang pa sang tensyon kag nagahatag sang dugang nga kahangawa sa sitwasyon sa Gaza, ilabi na sa mga sibilyan kag mga bihag nga apektado sang padayon nga away.
Bangud sang wala untat nga away sa Gaza, nagapadayon man ang tuman kagutom kag kabudlayan nga ginabatyag sang mga Palestino nga yara sa lugar.
Ginpanawagan ni Guterres sa Israel nga magsunod sa mga patakaran sang international law agud mapangapinan ang kabuhi kag dignidad sang mga inosente.
Gani, nagpatigayon sang isa ka emergency meeting ang UN agud estoryahan kag pangitaan sang solusyon ang mas nagagrabe nga sitwasyon.
Sa pihak nga bahin, ginpahayag ni Israeli Prime Minister Benjamin Netanyahu nga wala sang plano ang Israel nga kuhaon ukon sakupun ang Gaza. Sa baylo, plano nila nga ihatag ini sa mga Arab Nations
