Ginpalayas sang Democratic Republic of the Congo ang spokesman sang United Nations peacekeeping mission nga MONUSCO kag ginbasol bangud sa tensyon nga amo ang nagtuga sang makamamatay nga protesta sang nagligad nga semana.
Gin-anunsyo sang foreign affairs ini nga desisyon sa katapusan sang bulan sang Hulyo.
Matandaan nga 36 ka mga tawo lakip na ang apat ka UN peacekeepers ang napatay sang gin-vandalise kag ginsunog sang ginatos ka protesters ang buildings sang peacekeeping mission sa amo nga pungsod.
Masobra 10 ka tuig na nga aktibo ang amo nga mission apang ginpahayag sang mga sibilyan nga napaslawan ini nga protektahan ang publiko gikan sa armed gang violence sa amo nga rehiyon.
Ginpahayag naman sang Congolese government nga ang spokesman nga si Mathias Gillmann nga naghimo sang “indelicate and inappropriate” statements nga amo pa ang nagpasaka sa tensyon sa tunga sang mga tawo kag sa MONUSCO. ##
