Gin-anunsyo sang Israeli foreign minister nga ginadumilian si United Nations Secretary-General Antonio Guterres nga magtapak sa Israel bangud wala sini ginkondenar sang mabaskog ang natabo ang pagpaulan sang Iran sang missiles sang nagligad nga gab-i.
Kasunod ini sang masobra 200 ka ballistic missiles nga ginpalupad sang Iran sa Israel samtang nagalala ang away sang Israel Defense Forces kag Lebanese militant group nga Hezbollah nga proxy sang Iran.
Madamo ang na-intercept nga missiles samtang yara pa lang sa kahawaan apang may yara gid nga nakalusot sa missile defenses apang wala man sang na-report nga casualties sa Jewish state.
Malip-ot lang ang statement ni Gutteres kasunod sang insidente kag gintawag ini nga “latest attacks” sa Middle East. Ginkondena sini ang kumplikto kag ang paglala sang tensyon.
Suno naman kay Israeli foreign minister Israel Katz, indi maathag ang statement ni Gutteres kag bangud wala sini gin-call out ang Iran, mahimo na ini nga “persona non grata” sa Israel.
“Anyone who cannot unequivocally condemn Iran’s heinous attack on Israel, as nearly all the countries of the world have done, does not deserve to set foot on Israeli soil,” pahayag ni Katz.
Nagpahayag pa ini nga madepensahan man nila ang ila kaugalingon nga mga pumuluyo bisan yara man ukon wala si “Antonio Guterres.”
“Israel will continue to defend its citizens and uphold its national dignity, with or without Antonio Guterres,” kabahin sang statement.
