US – Ginaduso sang UN Women ang Generation Equality nga magahatag sang igtalupangod sa kinamatarong sang mga kababainhan may kaangtanan sa Women’s Day.
Suno kay UN Women Executive Director Phumzile Mlambo-Ngcuka, ginadumdom subong ang ika-25 nga tuig sang pagpatuman sang Beijing Platform for Action.
Bangud sini, hugot nga ginaduso ang paghatag sang patas nga kinamatarong sa tanan, babayi man ukon lalaki, tigulang man ukon bata.
Dapat man nga mahatagan sang igtalupangod ang kinamatarong sang tagsa ka babayi sa bug-os nga kalibutan kasubong sang maayo nga edukasyon.
Nagakadapat man suno sa natungdan nga mahatagan ang mga kababainhan sang kinamatarong nga ipakigbahin ang ila mga opinyon.
Sa pihak sini, gin-ako ni Ngcuka nga sa sulod sang pila ka tuig, nangin mabudlay para sa mga babayi nga maangkon ang equality.
