ILOILO – Nangin masako ang una nga adlaw ni Gov. Arthur ‘Toto’ Defensor Jr. bilang amay sang probinsya sang Iloilo.
Ginsapol ni Defensor ang mga department head sa Iloilo Provincial Capitol agud istoryahan ang mga ‘immediate concerns’.
Sa interview sang Bombo Radyo kay Defensor, iya ginpahayag nga lakip sa mga gin-istoryahan amo ang weather update, Dengue cases, immediate concerns sang tagsa ka department head, pagpanghanda para sa 2020 budget, status sang rehabilitation sang Iloilo Provincial Capitol kag ang protocol sa pagdeklarar sang class suspension ilabi na subong nga may yara sang weather disturbance.
Sa subong suno kay Gov. Defensor, amat-amat na niya nga nahibalu-an ang status sang pagpalakad sa kapitolyo.
Bangud nga malapad ang probinsya sang Iloilo, ginpahayag ni Defensor nga importante nga magpakig-angot ang Iloilo Provincial Government sa tagsa ka alkalde tuhoy sa pagdeklarar sang class suspension.
