Generally peaceful ang una nga adlaw sang kampanya sang mga kandidato sa national positions suno sa Philippine National Police (PNP).
Suno kay PNP spokesperson Police Colonel Jean Fajardo, may yara sang reported incident sa Mindanano sa una nga adlaw sang campaign period apang indi ini related sa election.
Apang, suno kay Fajardo, naobserbahan sang PNP nga nalapas ang social distancing protocol sa pila ka ginpatigayon nga campaign rallies.
Gin-ako man sang natungdan nga mabudlay ipatuman ang minimum public health standards sa amu nga mga aktibidad.
Ginpasigurado man sang mga otoridad nga ila i-obserba ang maximum tolerance sa pagpatuman sang election guidelines kag COVID-19 health standards agud nga malikawan ang tensyon.
Pagatutukan sang PNP ang pagpatuman sang election guidelines sang Commission on Elections (COMELEC) kag ang barangay officials na ang responsable sa pagpatuman sang minimum public health standards.
Nahibalu-an nga nagsugud na kahapon, Pebrero 8 ang national campaign period kag magatakop sa Mayo 7.
Magasugud naman sa Marso 25 ang local campaign period.
