ILOILO CITY – Ginakabig sang Public Safety and Transportation Management Office nga ‘below normal’ ang labing una nga adlaw sang pagpatuman sang General Community sa syudad sang Iloilo.
Suno kay Jeck Conlu, pinuno sang Public Safety and Transportation Managament Office, iya ginpahayag nga indi tuman ka damo nga tawo ang nakit-an sa syudad lakip man ang mga salakyan.
Suno kay Conlu, lauman nga mas magadamo ang tawo nga magapadulong sa syudad sa lunes bangud may yara na sang byahe sa pampubliko nga mga salakyan kag may yara man sang team nga magalibot para sa monitoring.
May kaangtanan naman sa mga merkado sa syudad sang Iloilo, ginpahayag ni Conlu nga pagasundon ang nakasaad sa Executive Order nga pirmado sang alkalde samtang magapabilin naman nga sirado ang dalanon sa palibot sang Iloilo Terminal Market.
