Una nga delta case sa San Joaquin, Iloilo, liwat nga ginpaidalom sa swab test apisar nga Hulyo 27 pa nakatapos kumpleto sang 14 day quarantine

Ginpaidalom liwat sa reverse transcription polymerase chain reaction (RT-PCR) test ang natumod nga COVID-19 Delta variant case sa San Joaquin, Iloilo.

Sa interview sang Bombo Radyo kay Leo Satana, Municipal Administrator sa nasambit nga banwa, iya ginpahayag nga Hulyo 27 pa sang nakumpleto sang pasyente ang iya 14 ka adlaw nga quarantine matapos nagpositibo sa COVID-19.

Bangud nagguwa pa gid ini nga infected sa Delta variant, gintsekyar sang LGU-San Joaquin ang mga naka close contact sini antes kag pagkatapos niya nagpositibo sa COVID-19.

Ginalauman nga magguwa subong nga adlaw ang resulta sang delta case kag mangin iya mga na-close contacts.

Naka-quarantine naman ang mga natungdan.