Madamo ang nagasiling nga mapalaron kag makahilisa ang mga tawo nga wala nagadako ukon nagatambok.
Ang wala nila nahibaluan, problema man ang kakulang sang bug-at ukon underweight ilabi na kun may yara sang madalom nga rason.
Gani kinahanglan man sang mga maniwang ang panglawason sang tips agud nga magdako.
Suno kay Katherine Zeratsky, isa ka registered kag licensed dietician, may nagkalain-lain nga rason kun ngaa maniwang, kulang sa bug-at ukon wala nagadako ang isa ka tawo.
Apisar makabig ang pila sa ila nga heathy, indi manigar nga may yara man ang mga ini sang problema sa ikaayong lawas.
Pahayag sang eksperto, kun kaisa sulundon man ini sa diin ang imo pamilya ang may yara sang maniwang nga panglawason.
Mahimo man tungod sa imo nga mga physical activities kun ngaa gamay ang imo nga lawas kaangay sang pagka-aktibo sa trabaho, kag tuman ka energetic.
Bangud sini, madasig matunaw ang calories sa imo nga lawas.
Normal lang nga magnubo ang imo bug-at kun ikaw ang ginamasakit ukon may yara ikaw sang hilanat sa diin nagakawad-an ka sang gana nga magkaon apang dapat ka na nga magkabalaka suno sa eksperto kun gulpi na lang nagnubo ang imo nga bug-at apisar bastante kag madamo ka man magkaon.
Mahimo pahayag ni Zeratsky nga may yara ka pa gid sang problema sa ikaayong lawas.
Gani, mas maayo nga magpakonsulta gilayon sa doctor agud mahatagan sang nagakaigo nga solusyon kag atensyon.
