Nagdangat sa 3.7 million ka Pilipino ang unemployed ukon wala sang trabaho sang Disyembre 2021 base sa data sang Philippine Statistics Authority (PSA)
Ini ang mas mataas sa 3.16 milyon sang Nobyembre.
Suno kay Civil Registrar General Dennis Mapa, nagdamo ang nagapangita sang ubra sang bulan sang Disyembre.
Samtang, mas nagnubo naman ang numero sang underemployed ukon ang mga may ubra nga kulang ang sweldo.
Yara sa 6.81 milyon ang underemployed sang Disyembre mas manubo sa 7.63 milyon sang Nobyembre.
Dugang pa ni Mapa, makita man sa data sang PSA nga mas mataas sa gihapon ang unemployment kag underemployment sang pungsod sang tuig 2019 bag-o pa nagsugud ang COVID-19 pandemic.
Suno naman kay Socioeconomic Planning Secretary Karl Chua, mas madamo pa nga maayo nga trabaho ang magabukas kun kontrolado na ang COVID-19 kag sa padayon nga pagpangbakuna.
