Nagnubo sa 4% ang unemployment rate sang Agosto.
Suno sa Philippine Statistics Authority, mas manubo ini sa 4.7% nga narekord sang Hulyo kag sa 4.4% nga narekord sang Agosto sang nagligad nga tuig.
Sa resulta nga ini, nagwa nga 2.07 million nga Pilipino ang wala sang trabaho sang Agosto nga mas manubo sa 2.22 million sang 2023.
Nagwa man nga ang mga subsector nga may pinakataas nga narekord nga numero sang trabaho amo ang wholesale and retail trade, public administration and defense, kag education.
Ang mga subsector sang agriculture and forestry, fishing and aquaculture kag financial and insurance activities naman ang nakarekord sang pinakadako nga pagnubo.
