Nagsaka ang unemployment rate sang Pilipinas sang nagligad nga Hulyo.
Santo sa Philippine Statistics Authority, ang wala sang trabaho nga mga Pilipino ang yara sa 4.7 percent, nga mas mataas sa 3.1 percent nga unemployment rate sang Hunyo.
Ini ang nagakahulugan man nga 2.38 million Filipinos ang jobless sang bulan sang Hulyo, samtang 1.62 million naman ang unemployed sang nagligad nga Hunyo.
Sa pihak nga bahin, ang underemployment, nagpabilin sa 12.1 percent, nagakahulugan ini nga 5.78 million ka mga mamumugon nga Pilipino ang nagapangita sang dugang nga oras sang trabaho ukon nagapangita sang dugang nga trabaho agud madugangan ang ila kita.
Ini nga numero yara sa 6.08 million sang Hunyo.
May 50.7 million naman ka mga mamumugon sa labor force sang Hulyo, mas manubo gikan sa 51.9 million sang Hunyo.
