ILOILO CITY- Wala nag-improve ang unemployment rate sa Pilipinas sang Pebrero 2023.
Sa data sang Philippine Statistics Authority,nagpabilin iin sa 4.8 percent nga amo man ang narekord sang Enero.
Ini apisar nga madamo nga Filipinos ang nagapakigbahin sa labor force, bilang jobholders ukon seekers.
Suno kay National Statistician Dennis Mapa, sang Pebrero,ang numero sang Filipinos nga 15-anyos pasaka nga nagapartisipar sa labor market ang nagsaka sa 51.27 million.
Ini nagakahulugan sang pagtaas nga 2.67 million kun ipaanggid sa Pebrero 2022 kag 1.55 million kun ikumparar sa Enero 2023.
Suno kay Mapa, may dako nga portion sang added participants nga nakakita sang trabaho apang may gamay nga porsyon ang napaslawan nga makakita sang trabaho.
Sang Pebrero, may yara sang 2.47 million Filipinos nga available para sa trabaho apang wala sang oportunidad.
Ini nagapakita sang pagnubo nga 651,000 kun ipaanggid sa Pebrero 2022, apang mas mataas sang 102,000 kun ipaanggid sa Enero 2023.
