WESTERN VISAYAS – Nagsaka sa 13.7% ang unemployment rate sa Western Visayas bangud sa Coronavirus Disease 2019 (COVID-19) pandemic.
Sa interview sang Bombo Radyo kay Niezel Sabrido, information officer sang Department of Labor and Employment (DOLE) , iya ginpahayag nga ang pagsaka sang unemployment rate sa rehiyon 6 ang base sa ginpaguwa nga data sang Philippine Statistics Authority.
Suno kay Sabrido, tuman nga naapektuhan ang trabaho sang mga mamumugon sa bahin sang service industry kaangay sang hotel, restaurant , travel and tours kag iban pa.
Apisar nga nagbukas na ang iban nga mga establisimento bangud yara na sa Modified General Community Quarantine ang Western Visayas, indi sa gihapon mahinago nga may iban nga mga kompaniya ang sirado sa gihapon.
Dugang pa sang natungdan, sang nakaligad nga data sang Philippine Statistics Authority, yara lang sa 6% ang unemployment rate sa Western Visayas.
