Gintuad sang isa ka structural engineer nga posible sa gihapon nga mag-usmod ang Ungka Flyover sa Pavia, Iloilo bangud man floating style sini.
Sa interview sang Bombo Radyo kay Engineer Nilo Jardeleza, structural engineer, iya ginpahayag nga ang floating style sang Ungka Flyover ang nagasalig sa pressure sang duta nga nagapalibot sa haligi sini.
Ginlaragway man ni Jardeleza nga ‘labnoy’ ang duta sa palibot sang flyover rason man nga madasig ini nga naga-usmod.
Suno kay Jardeleza, isa ka ‘uneven displacement’ ang nakit-an subong nga vertical nga litik sa flyover.
Ginalantaw man sang natungdan nga indi makabig nga tuga sang vibration bangud sa mga salakyan ang nakit-an nga litik, kon sa diin, mahimo nga bag-o na naman ini nga pag-usmod.
Ginakabig man sang engineer nga isa ka ‘lateral displacement’ ukon nagbawod ang Ungka Flyover bangud man sa sunod-sunod sini nga pag-usmod.
