ILOILO CITY- Gina-target sang Department of Public Works and Highways Region 6 nga mabuksan na sa full capacity sa Nobyembre ang kontrobersyal nga Ungka Flyover.
Sa interview sang Bombo Radyo kay Eng. Sanny Boy Oropel, director sang Department of Public Works and Highways Region 6, iya ginpahayag nga malab-ot lang ang target nga petsa kun makompleto na ang first phase sang rehabilitasyon sa katapusan sang Hulyo.
Suno kay Oropel, target nila nga maumpisahan ang ikaduha nga bahin sang repair sa ikaduha nga semana sang Agusto.
Pahayag sang natungdan, sa subong, yara na sa 65% nga kompleto ang first phase sang rectification.
Ginplastar naman sini nga ang phase 2 ang ginalakipan sang jet grouting, removal sang obstructions, excavation, shoring, kag iban pa nga.
Nahibaluan nga ang phase 1 sang repair ang ginapatigayon sang Monolithic Construction & Concrete Products, Inc., nga isa ka engineering firm nga naka-base sa Davao City.
Gin-umpisahan ang rectification sang Enero kag gin-target nga matapos sang Mayo 6 apang gin-extend kag nadugangan sang 120 ka adlaw.
