Gin-anunsyo ni President Ferdinand Bongbong Marcos Jr. nga igalunsar sang gobyerno ang national emergency hotline sa bulan sang Hulyo.
Ini agud nga mas mapabaskog pa ang pagpatuman sang seguridad sa bilog nga Pilipinas.
Suno kay Marcos, ang Unified 911 Emergency System ang inisyal nga ipatuman sa National Capital Region (NCR), Bangsamoro Autonomous Region in Muslim Mindanao (BARMM), Ilocos Region, kag Central Visayas.
Pahayag sang presidente sa iya nga vlog, umpisahan ang pag-deploy sang mas madamo nga mga pulis ukon ang ginatawag nga Cops on the Beat.
Sa separado nga statement, nagpahayag ang Department of the Interior and Local Government (DILG) nga ang emergency hotline nagagamit sang “cutting-edge technology” agud masiguro ang madasig nga pag-responde halin sa frontline units kaangay sang Philippine National Police (PNP) kag Bureau of Fire Protection (BFP). Ginasiguro man sini nga may screening sa nuisance calls ukon pasabad-sabad lang nga mga tawag.
Una naman nga nagpahayag si PNP chief Nicolas Torre III nga nagapakig-angot na ang kapulisan sa local government units agud ma-implementar ang five-minute emergency response policy goal.
