Ginaplanuhan na sang Iloilo City Government ang paghimo sang uniformed nga vaccination card para sa mga fully vaccinated individuals.
Sa interview sang Bombo Radyo kay Mr. Jeck Conlu, spokesperson sang COVID-19 Team sang syudad, iya ginpahayag nga may nakita sa gihapon nga lapses sa mga QR code nga naka-imprint sa vaccination card rason nga ipa-check man nila ini.
Suno kay Conlu, ginaistoryahan na ini subong kag hulaton nila ang mangin rekomendasyon man ni Iloilo City Mayor Jerry Treñas.
Sa subongm pahayag sang natungdan, ginatutukan sang maid-id ang COVID-19 vaccination sa syudad lakip na kun paano mapanubo ang kaso sang virus infection.
