ILOILO – Gin-paidalom sa inspection ang nanari-sari nga uniporme sang mga pulis sa Kampo Delgado bilang kabahin sang Tamang Bihis Program.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga ang Tamang Bihis program ang kabahin sang internal cleansing sa Philippine National Police.
Suno kay Malong, ang uniporme ang isa sa mga simbolo sang Philippine National Police rason nga ang tanan nga police personnel ang nagakadapat nga mangin neat and clean.
Ginpahayag ni Malong nga ang mga pulis ang may yara sang clothing allowance gani wala sang rason nga lunsay pug-is kag gisi-on ang ila mga uniporme.
Nahibalu-an nga ang Tamang Bihis Program ang ginduso mismo ni Philippine National Police officer in charge Police Lt. Gen. Archie Gamboa bilang kabahin sang panibag-o nga guidelines nga dapat sundon sang tanan nga pulis.
