Indi na makakilibot pa nga wala na nagahugpong ang Uniteam nga alyansa nanday President Ferdinand Marcos, Jr. kag Vice President Sara Duterte.
Sa interview sang Bombo Radyo kay Atty. Joenar Pueblo, political law professor sa University of San Agustin College of Law, iya ginpahayag nga dako ang posibilidad nga wala na sang Uniteam nga matabo sa masunod nga eleksyon.
Ini matapos amat-amat na nga nagalayo ang relasyon sang pamilya Marcos kag Duterte.
Suno kay Pueblo, dako ang posibilidad nga maghalin ukon pahalinon sa ulihi si Duterte bilang myembro sang gabinete.
Ginpahayag ni Pueblo nga wala sang permanente nga abyan kag kasumpong sa politika.
Kun sang una suno sa natungdan, nagapatigayon pa sang heart-to-heart talk ang presidente kag bise presidente, apang sa subong, malayo na ini nga matabo.
Ini bangud mas ginapamatian na subong sang presidente si First Lady Atty. Liza Marcos kag si House Speaker Martin Romualdez.
