ILOILO CITY – Gin-alegar ni United Nations Secretary-General Antonio Guterres nga ginlapas ang international law sa Gaza kag nagpanawagan sang gilayon nga ceasefire kadungan sang pag-atake sang Israel sa Palestinian territory bilang balos sa pagpang-atake sang Hamas.
Ginka-akig sang Israel ang panawagan sang United Nations chief sa ginpatigayon nga high-level session sang Security Council kun sa diin, ang Palestinian foreign minister ang nagkondenar sang ginlaragway niya nga inaction sa kinagamo nga nagpatay sa linibo ka mga tawo nagikan sa magtimbang nga bahin nga kalabanan mga civilian.
Sa pagbukas sang session, ginpahayag ni Guterres nga wala sang rason ang pagpang-atake sang Hamas sang Oktubre 7 apang nagpa-andam man ini batuk sa collective punishment sang mga Palestinians.
Suno kay Guterres, nagakalabaka ini sa maathag nga paglapas sang international humanitarian law sa Gaza.
Gin-athag man niya nga wala sang partido ang labaw sa international humanitarian law sa isa ka kinagamo.
Pahayag niya, ang Palestinians ang napaidalom na sa 56 ka tuig nga pagsakop.
Ang pahayag niya ang ginka-akig ni Israeli Foreign Minister Eli Cohen nga nagtudlo pa kay Guterres kag nagpataas sang iya tingong.
Ginpakita man niya ang mga graphic accounts kun paano ginpamatay ang mga civilians sang Oktubre 7 nga ginakabig nga deadliest single attack sa maragtas sang Israel.
