ILOILO CITY – Ginknock out sang Netherlands ang United States Men’s National Team sa round of 16 sa 2022 FIFA World Cup sa score nga 3-1.
Una nga naka-goal ang Netherlands pinaagi kay Memphis Depay sa 1oth minute.
Sa 46th minute, sunod nga naka-goal para sa No. 8-ranked Netherlands amo si Denzel Dumfries.
Natapos ang first half nga wala gid naka-score ang Estados Unidos.
Sa 76th minute sang hampang, naka-goal gid man ang Estados Unidos pinaagi kay Haji Wright.
Apang, wala na ginpasugtan sang Netherlands nga maka-score liwat ang Estados Unidos.
Sa 81st minute sang hampang, liwat nga naka-goal ang orange team pinaagi kay Denzel Dumfries.
Nagtakop ang hampang sa score nga 3-1.
Bangud sini, abanse na ang Netherlands sa quarterfinals.
