ILOILO CITY – Nakatuon sa pagkuha sang vitals signs sang mga blood donor sa Dugong Bombo 2019 ang mga estudyante kag personnel sang Department of Nursing-College of Health and Allied Medical Professions sang University of San Agustin.
Sa programa Good Morning Philippines, ginpahayag ni Viela Balbon, Academic Supervisor sang Department of Nursing-College of Health and Allied Medical Professions sang University of San Agustin, nga magabulig ang mga estudyante kag personnel sang Department of Nursing sa blood-letting activity sang Bombo Radyo Philippines.
Suno kay Balbon, sa pagkuha sang vital signs, may yara man sang interview nga patigayunon agud matumod nga kwalipikado ukon indi ang blood donor.
Ginpahayag ni Balbon nga dapat mangin tampad ang blood donor sa pagsabat agud nga wala sang problema nga matabo.
Sa palaabuton nga Dugong Bombo 2019 sa Nobyembre 16, ginpasalig sang natungdan ang commitment sang University of San Agustin.
