ILOILO CITY – Sa pinakauna nga tion pagkatapos sang 36 ka tuig, liwat nga nakuha sang Philippines Fighting Maroons ang kampyeonato sa University Athletic Association of the Philippines (UAAP) basketball.
Gintapos sang Fighting Maroons ang pagpanggahom sang Ateneo de Manila University sa score nga 72-69 sa overtime play sa do-or-die Game 3 sang UAAP Season 84 Finals sa Mall of Asia Arena sa Pasay City.
Nagdaog ang UP sa best-of-3 series two games to one kag nakuha ang pinakauna nga UAAP title humalin sang 1986 sang panahon pa nanday Benjie Paras kag Ronnie Magsanoc.
Nagtingob ang pwersa sang mga Fighting Maroons stars nga sanday rookie big man Carl Tamayo, Filipino-American forward Zavier Lucero, steady point guard Joel Cagulangan, Senegalese center Malick Diouf kag veteran guards nga sanday Ricci Rivero kag James Spencer.
