Kontento ang Iloilo City Anti-Squatting and Illegal Structures Unit (ASISU) bangud nakit-an nga wala na sang tig-a ulo nga nagpangbalik sang mga campaign posters nga ginpangbaklas na sang otoridad.
Sa interview sang Bombo Radyo kay Mr. Love Joy Hosenilla, head sang ASIS-U, iya ginpahayag nga sandig sa ila assessment kag paglibot-libot, nagtuman naman ang mga kandidato kag ang ila nga mga supporters kag wala na ginpangtakod liwat sa mga kahoy ang ila nga mga posters kag tarpaulin.
Sa ika-lima nga adlaw sang pagpangkakas sang posters sa syudad, yari ang top ten nga kandidato ukon grupo sa may pinakadamo nga nakumpiskar sang ASIS-U:
- Councilor Lyndon Acap
- Former Mayor. Atty. Joe Espinosa
- Councilor Jojo Javellana
- Councilor Atty. Romel Duron
- Lacson-Sotto Tandem
- Senatorial Candidate Loren Legarda
- Former CitY Councilor Plaridel Nava
- Aspirant sa pagka-konsehal nga si Kayzer Jadulos
- Uswag Partylist
- BBM-Sara Tandem
Suno kay Hosenilla, nalibot na nila ang pito ka mga distrito apang may mga kalye-kalye lang nga wala pa nasipot kag wala pa nasulod.
Sa bahin sang Iloilo City Council, may ginpasar nga resolution agud nga hingyuo ang national and local candidates amo man ang ila supporters nga likawan nga ibutang sa mga kahoy ang mga materyal nga para sa election campaign. ##
